Ümummilli lider Heydər Əliyevin anadan olmasının 100 illik yubileyi münasibətilə Qubadlı rayon Uşaq-gənclər inkişaf mərkəzinin təşkilatçılığı ilə Tarix-Diyarşünaslıq muzeyində rəsm və əl işləri müsabiqəsi keçirilib.

Müsabiqə Qubadlı rayon ümumi təhsil müəssisələrinin şagirdləri arasında təşkil olunub.

Müsabiqədə şagirdlər ulu öndər Heydər Əliyevin şəkillərini əks etdirən rəsmlər, dekorativ əl işləri, heykəltəraşlıq nümunələri ilə iştirak ediblər. Nümunələr münsiflər heyəti tərəfindən 3 kateqoriya üzrə qiymətləndirilib.