Bu gün Kəlbəcər rayon 18 nömrəli tam orta məktəbdə məktəbin məzunu, Vətən Müharibəsi şəhidi Elnur Mustafayevin anım tədbiri keçirilib. Əvvəlcə şəhidin evinə baş çəkilib ailəsi ziyarət olunub. Daha sonra Biləcəri Şəhidlər Xiyabanında Elnur Mustafayevin məzarı ziyarət edilib. Bundan sonra məktəbdə Elnur Mustafayevin xatirə lövhəsi önündə şəhidimizin məktəb həyatı, idmanda qazandığı uğurlar və döyüş yolu ilə bağlı xatirələr bölüşülüb. Məktəb şagirdləri şəhidlərimizlə bağlı şeir söyləyib. Çıxış edənlər torpaqlarımızın işğaldan azad edilməsi uğrunda aparılan 44 günlük Vətən Müharibəsi zamanı Ali Baş Komandanın qətiyyətli mövqeyi, xalqımızın birliyi, əsgərlərimizin qəhrəmanlığı ilə bağlı fikirlərini bölüşüblər.

Şəhidin valideynləri çıxış edərək şagirdlərə şəhidlərimiz və gələcək nəslə örnək olan həyat yolu haqqında məlumat verib.

Tədbirin sonunda məktəbin həyətində şəhid Elnur Mustafayevin xatirəsinə ağaclar əkilib.